Қолданушы баптаулары
Қолданушы баптаулары
+7 (701) 759 90 19 Лента
USD 421.58 EUR 496.83
RUB 5.53 CNY 62.20
Jańalyqtar

Елбасы тапсырмасы: 144 мың солтүстікқазақстандықтың жалақысы 1,5 есе өседі

2018 жылғы 27 қараша 16:58 7314
Бөлісіңіз:
Елбасы тапсырмасы: 144 мың солтүстікқазақстандықтың жалақысы 1,5 есе өседі

АСТАНА. ҚазАқпарат - 144 мың солтүстікқазақстандықтың жалақысы 1,5 есе өседі. Бұл туралы бүгін Орталық комуникациялар қызметіндегі брифингте Солтүстік Қазақстан облысының әкімі Құмар Ақсақалов айтты, деп хабарлайды ҚазАқпарат тілшісі.

«Мемлекет басшысының Жолдауындағы  ең төменгі жалақыны 1,5 есе  көтеру тапсырмасы облысымыздың 144 мың тұрғынына қатысты. Оның 43 мыңы -  бюджеттік сала қызметкері болса, 101 мыңы - экономиканың шынайы секторында жұмыс істейтін қызметкерлер», - деді ол.

Қ.Ақсақалов, сонымен қатар, ағымдағы жылы еліміздің еңбек күші көп өңірлерінен 400 отбасы солтүстікке қоныс аударғанын атап өтті.

«Олар үшін біз даму рейтингі орташа және жоғары 302 ауылда 3 мыңнан астам үйді үш жылдың ішінде салуды жоспарлап отырмыз», -деді өңір басшысы.

Оның айтуынша, аталған ауылдардың жолдарын жақсартып, ауыз сумен қамтамасыз ету, мектептер мен балабақшаларды, мәдениет үйлерін жөндеу және ауыл шаруашылығы тауарларын өндірушілерді қолдау үшін қаражат бөлінетін болады.  Бұл шаралар өңір тартымдылығын арттырып, көші-қондағы теріс сальдоны 2019 жылы 2600, ал 2020 жылы 1100 адамға дейін төмендетуге мүмкіндік береді.

 

 

Біздің каналымызға жазылыңыз:

Бөлісіңіз:

Автор:

Марлан Жиембай

Загрузка...
Пікір қалдыру
+7
Жіберу
ONLAIN QYZMETKERLER
MURAǴAT