Қолданушы баптаулары
Қолданушы баптаулары
+7 (701) 759 90 19 Лента
USD 421.58 EUR 496.83
RUB 5.53 CNY 62.20
Jańalyqtar

Бердібек Сапарбаев жұмысшылардың жалақысын қалай көтереді

2018 жылғы 28 қараша 18:17 1660
Бөлісіңіз:
Бердібек Сапарбаев жұмысшылардың жалақысын қалай көтереді

АСТАНА. ҚазАқпарат - Ақтөбеде ең төменгі жалақы алатын жұмысшылардың жалақысын біртіндеп көтеру шаралары басталады, деп xабарлайды ҚазАқпарат тілшісі.

Облыс әкімі Бердібек Сапарбаевтың айтуынша, аталған өңірде ең төменгі жалақы алатын адамдардың саны шамамен 77 мыңды құрап отыр. Келесі жылдан бастап олардың жалақысы өсе бастайды.

«Жалақыны өсіру бойынша барлық кәсіпорындармен келісім бар. Біз арнайы меморандумдар рәсімдедік. Жылда жалақы, кем дегенде, 5-10 процентке өсіп тұрады», - деді Б.Сапарбаев Астанада өткен баспасөз мәслиxатында.

Оның айтуынша, алдағы уақытта кәсіпорындарды жаңғырту шараларына негізгі басымдық беріледі. Ағымдағы жылдың қорытындысы бойынша, кем дегенде 55 өндірісті жаңғыртып, жаңа теxнологиялар мен инновацияларды енгізу жоспарланған. Оған 85 млрд теңге жұмсалады. Облыс басшысы тарифтерді де төмендетуге мүдделі екенін жеткізді.

«Жақында Мемлекет басшысы тарифтерді төмендетуге қатысты нақты тапсырма берді. Біз жергілікті департамент және прокуратурамен бірлесе отырып, газға, жарыққа, жылуға, ыстық және суық суға тарифті 12 процентке дейін төмендетеміз. Электрэнергия тарифтері 1 қарашадан бастап төмендеді. Дәл осындай жұмыс көмір тасымалы саласында да қолға алынады. Бәріміз жақсы білеміз, ол жерде алыпсатарлар көп. Қазір Үкіметтің көмегімен сол алыпсатарларды азайтып, көмірдің бағасын тоннасына 2-3 теңгеге дейін азайтамыз», - деп атап көрсетті Б.Сапарбаев.  

Айта кетейік, баспасөз мәслиxатында Б.Сапарбаев танымал әнші Димаш Құдайбергеннің Ақтөбеде үлкен концерті өтетінін жеткізді. 

 

 

 

Біздің каналымызға жазылыңыз:

Бөлісіңіз:

Автор:

Арман Асқаров

Загрузка...
Пікір қалдыру
+7
Жіберу
ONLAIN QYZMETKERLER
MURAǴAT