+7 (701) 759 90 19 Лента
-1 °С : استانا
-2 °С : الماتى
USD 384.97 EUR 427.12
RUB 6.04 CNY 54.75
جاڭالىقتار

ق ر قورعانىس ءمينيسترى: مەن جاۋاپكەرشىلىكتەن قاشپايمىن

10 شىلدە 19:37 249
:ءبولىسۋ
ق ر قورعانىس ءمينيسترى: مەن جاۋاپكەرشىلىكتەن قاشپايمىن

نۇر-سۇلتان. قازاقپارات - ق ر قورعانىس ءمينيسترى نۇرلان ەرمەكبايەۆ ارىستاعى قازىرگى جاعداي تۋرالى باسپا ءسوز ءماسليحاتىن وتكىزدى، دەپ حابارلايدى قازاقپارات ءتىلشىسى.

«قازىرگى ۋاقىتتا قۇقىق قورعاۋ ورگاندارى تەرگەۋ جۇرگىزىپ جاتىر. بارلىق ىقتيمال نۇسقالار قاراستىرىلۋدا. ادامي فاكتور بولۋى مۇمكىن، ءورت قاۋىپسىزدىگى تالاپتارىنىڭ بۇزىلۋى نەمەسە ەلەكتر سىمىنىڭ قىسقا تۇيىقتالۋى، حيميالىق رەاكسيا سىندى تەحنيكالىق سەبەپتەر، ءتىپتى قاساقانا ءورت قويىلعان بولۋى مۇمكىن»، - دەدى مينيستر ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا.

سونىمەن بىرگە، مينيستر جاۋاپكەرشىلىكتەن قاشپايتىنىن جەتكىزدى.

«جەكە ءوزىم قورعانىس ۆەدومستۆوسىنىڭ باسشىسى رەتىندە «مەملەكەتتىك قىزمەت تۋرالى» ق ر زاڭىنا سايكەس، 2018 -جىلدىڭ 7 -تامىزىندا وسى لاۋازىمعا تاعايىندالعان ساتتەن باستاپ، قارۋلى كۇشتەردە بولعان بارلىق جاعدايعا جاۋاپ بەرىپ كەلەمىن. بۇل جاۋاپكەرشىلىكتەن قاشقان ەمەسپىن جانە قازىر دە قاشۋعا تىرىسپايمىن. تەرگەۋ ناتيجەسىندە انىقتالعان كىنالىلەر زاڭ جۇزىندە جاۋاپقا تارتىلادى»، - دەدى ن. ەرمەكبايەۆ.


ق ر قورعانىس ءمينيسترى: مەن جاۋاپكەرشىلىكتەن قاشپايمىن 

ەسكە سالا كەتسەك، ارىس قالاسىنداعى اسكەري ءبولىمنىڭ قويماسىندا 24 -ماۋسىم كۇنى تاڭەرتەڭ جارىلىس بولدى. سالدارىنان ءۇش ادام قازا تاپتى - ارىس تۇرعىنى مەن ەكى اسكەري قىزمەتشى. 170 كە جۋىق ادام زارداپ شەكتى. 20 عا جۋىق ءۇي، 9 قورا-قوپسى جانىپ، دالالى اۋماقتا 14 وشاق تۇتاندى. ءۇي-جايلار مەن عيماراتتاردىڭ 80-90 پايىزىنا ءارتۇرلى دەڭگەيدە زاقىم كەلدى. ءبىرقاتار وڭىردە شۇعىل جەلىلەر قۇرىلدى.

تۇركىستان وبلىسىنا ارنايى بارعان قازاقستان پرەزيدەنتى قاسىم-جومارت توقايەۆ ارىستاعى اسكەري بولىمشەدەگى وق-ءدارى قويماسىنداعى جارىلىستان زارداپ شەككەن قالا تۇرعىندارىمەن كەزدەسىپ، قالانىڭ قالپىنا كەلتىرىلەتىنىنە ۋادە بەردى. سونداي- اق ەلباسى نۇرسۇلتان نازاربايەۆ ارىستاعى جاعدايعا الاڭداۋشىلىق ءبىلدىردى. تۇڭعىش پرەزيدەنتتىڭ توراعالىعىمەن قاۋىپسىزدىك كەڭەسىنىڭ وتىرىسى ءوتىپ، وندا ارىس قالاسىنداعى احۋال تالقىلاندى.

ۇكىمەت وتىرىسىندا پرەمەر-مينيستر اسقار مامين جارىلىس سالدارىنان كوز جۇمعانداردىڭ تۋعان-تۋىستارىنا كوڭىل ايتىپ، تۇرعىندارعا بارلىق كومەك كورسەتىلەتىنىن ايتتى. كەلتىرىلگەن زالالدىڭ كولەمى باعالانىپ، ۇكىمەت رەزەرۆىنەن اقشا بولىنەدى.

ەۆاكۋاتسيالاۋ كەزىندە مىڭنان استام اتا-انا بالارىنان كوز جازىپ قالدى. سابيلەردىڭ بارلىعى تۋىس- تۋعاندارىنا ءدىن- امان تاپسىرىلدى.

فاكتى بويىنشا قىلمىستىق ءىس قوزعادى.


باستى سوزدەر: بيلئك جانة ساياسات,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
مۇراعات