+7 (701) 759 90 19 Лента
19 °С : استانا
27 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

قازاقستاندا قانشا ارقار بار

9 شىلدە 18:30 361
:ءبولىسۋ
قازاقستاندا قانشا ارقار بار

 نۇر- سۇلتان. قازاقپارات - «قازاق تۋريزم» ۇلتتىق كومپانياسىنىڭ وكىلى قازاقستاندا قانشا ارقار بار ەكەنىن ايتتى، دەپ حابارلايدى قازاقپارات ءتىلشىسى.

اتالعان كومپانيا باسقارما ءتوراعاسىنىڭ كەڭەسشىسى باتىر سەيكەنوۆتىڭ ايتۋىنشا، ەل اۋماعىندا 16 مىڭنان استام ارقار قالعان. «بۇل ساندىق ءبىز قايدان الدىق؟ ارينە، ءاربىر ارقاردى باسىنان نۇقىپ ساناعان جوقپىز. ول مۇمكىن ەمەس. ءار جەردە كەزدەسكەن ارقار سانىن تارالۋ ارەلىنا كوبەيتە وتىرىپ، وسىنداي سان شىعاردىق. بۇل بۇرناعى جىلدارعا قاراعاندا از. دەمەك، ارقار سانىنىڭ كەمۋى بار. وعان باركونەرلىك تە، ءتۇرلى اۋرۋلار دا سەبەپ بولۋى مۇمكىن» ، - دەيدى ول.

باتىر سەيكەنوۆ الداعى بەس جىلدا «قازاق تۋرزيم» كومپانياسى ارقاردىڭ كوبەيۋىنە قانداي جاعداي جاساۋ قاجەتتىگىن عىلىمي زەرتتەۋ ارقىلى انىقتاماق ەكەنىن جەتكىزدى.

«بۇعان قارجىنى ارقار اتۋعا بەرىلەتىن ليسەنزيا ەسەبىنەن تابامىز. ءبىر باسقا كەمىندە 100 مىڭ ا ق ش دوللارى تولەنسە، ونىڭ 11-12 مىڭى بيۋدجەتكە، 10-15 مىڭى اڭشىلىقتى ۇيىمداستىرۋشى ۇيىمعا، قالعانى تۇگەل عىلىمعا تولەنەدى. عىلىم دەگەندە، بيولوگيالىق قاۋىپسىزدىك ينستيتۋتى مەن زوولوگيا ينستيتۋتىنا بولىنەدى. قازىر ارقارلارعا دا بەلگى تاعىپ جاتىرمىز. قارجىنىڭ ءبىر بولىگى سوعان جۇمسالادى. وسى ارقىلى قارتايعان ارقارلاردى وڭاي انىقتاۋعا بولادى» ، - دەيدى ول.

 شەتەلدىك تۋريستەر ارقاردىڭ تەك ءمۇيىزىن عانا ەلىنە اكەتەتىن كورىنەدى.

 «شەتەلدىكتەرگە ونىڭ ءمۇيىزى عانا كەرەك. ال قالعان دەنەسىن ءبىز الىپ، تەكسەرەمىز. ءبىر كەزدەرى بۇكىل ەل بولىپ بوكەندەردىڭ نەدەن قىرىلعانىن بىلمەي جانتالاستىق ەمەس پە؟ سونداي بولماس ءۇشىن ارقارلاردىڭ دەنساۋلىعىنا تۇراقتى مونيتورينگ جۇرگىزبەكپىز. اۋرۋلارىن ەرتە انىقتاپ، ءتيىستى شارالار قولدانۋ، قىس قاتتى بولعان كەزدە جەمشوپپەن قامتۋ شارالارى دا وسى تۋريستەر قاراجاتى ەسبىنەن جۇرگىزىلەتىن بولادى. وسىنىڭ ارقاسىندا كەلەشەكتە ارقار سانى ارتۋى ءتيىس. 3  جىلدىڭ ىشىندە جوبانىڭ قانشالىقتى دۇرىس ءجۇرىپ جاتقانىن بىلەتىن بولامىز. سوعان سايكەس تۇزەتۋ ەنگىزىپ، رەتتەپ وتىرامىز» ، - دەدى «قازاق تۋريزم» وكىلى.

ايتا كەتسەك، اتالعان كومپانيا شىعىس قازاقستان، قاراعاندى جانە الماتى وبلىستارىنداعى ارقار پوپۋلياتسياسىن زەرتتەۋ ءۇشىن بىرنەشە عىلىميي ەسكپەديتسيا ۇيىمداستىرىپتى.


باستى سوزدەر: قوعام,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
مۇراعات