+7 (701) 759 90 19 Лента
19 °С : استانا
27 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

جاستار جىلى: ستۋدەنتتەر ەلباسىنىڭ باستامالارىن قولدايدى

28 قاڭتار 12:33 473
:ءبولىسۋ
جاستار جىلى: ستۋدەنتتەر ەلباسىنىڭ باستامالارىن قولدايدى

الماتى. قازاقپارات - قازاقستاننىڭ ءار وڭىرىندە جىگەرلى، تالاپتى سانى جەتەرلىك. بۇل پىكىردى س. اسفەندياروۆ اتىنداعى قازاق ۇلتتىق مەديتسينا ۋنيۆەرسيتەتىنىڭ 2-كۋرس ستۋدەنتى جەڭىس جاماشيەۆ ايتتى، دەپ حابارلايدى قازاقپارات ءتىلشىسى.

جەڭىس جاماشيەۆتىڭ ايتۋىنشا، ءار قالادا جىگەرلى، تالاپتى ستۋدەنتتەردىڭ سانى جەتەرلىك.

«ءدال وسىنداي ادامدار ەلىمىزدىڭ دامۋىنا ءوز ۇلەسىن قوسىپ، قازاقستاندى الەمدىك ارەنالاردان كورگىسى كەلەدى. ەل پرەزيدەنتى ءوزىنىڭ جولداۋىندا قازاقستان الەمنىڭ 30 دامىعان مەملەكەت قاتارىنا كىرۋ كەرەك دەگەن ەدى. مەن وسىنى Z بۋىنى شىندىققا اينالدىرادى دەپ ويلايمىن»، - دەدى ول.

سونىمەن قاتار، ول جاستار قالا مەن ەلىمىزدىڭ وقيعاسىنا بەلسەنە ارالاسا باستاعانىن اتاپ ءوتتى.

«ەگەر بىلتىرعى جىلدى بيىلعى جىلمەن سالىستىرساق، بيىل ستۋدەنتتەر قالانىڭ جانە ۋنيۆەرسيتەتتىڭ كوپتەگەن شارالارىنا قاتىسىپ ءجۇر. مەنىڭ ءبىر توپتا وقيتىن دوستارىم بارلىق جوبالاردى قولدايدى، ويتكەنى ءبىز ول جوبالار ءوز جەمىسىن بەرەدى دەپ سەنەمىز. ەلىمىزدىڭ كوركەيۋىنە جاستار زور ۇلەسىن قوسادى. مەن بارلىق ستۋدەنتتەرگە ءوز باستامالارىن سوڭىنا دەيىن اياقتاپ، العا قويعان ماقساتتارىنا قيىندىقتارعا قاراماستان جەتىڭدەر دەگىم كەلەدى»، - دەدى مەديتسينا ۋنيۆەرسيتەتىنىڭ ستۋدەنتى.

بۇدان بۇرىن حابارلانعانداي، مەملەكەت باسشىسى نۇرسۇلتان نازاربايەۆ جاستار جىلىنىڭ اشىلۋىندا ۇكىمەتكە ۆولونتەرلىكپەن اينالىساتىن جوو ستۋدەنتتەرىنىڭ شاكىرتاقىسىن 30 پايىزعا ارتتىرۋدى تاپسىردى.

سونداي-اق، پرەزيدەنت «جاس مامان» باعدارلاماسىن ازىرلەۋدى جۇكتەدى.

مۇنىمەن قوسا، «ديپلوممەن اۋىلعا» باعدارلاماسىن دامىتۋعا قاتىستى تاپسىرمالار بەرىلدى.


باستى سوزدەر: بيلئك جانة ساياسات,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
مۇراعات