+7 (701) 759 90 19 Лента
8 °С : استانا
17 °С : الماتى
USD 421.58 EUR 496.83
RUB 5.53 CNY 62.20
جاڭالىقتار

باعلان ءابدىرايىموۆ قۇمار ويىندارىنا سالىنىپ، قارىزعا باتىپ، وتىرگىشىگە اينالعانى تۋرالى ايتتى

26 قاڭتار 11:42 610
:ءبولىسۋ
باعلان ءابدىرايىموۆ قۇمار ويىندارىنا سالىنىپ، قارىزعا باتىپ، وتىرگىشىگە اينالعانى تۋرالى ايتتى

  استانا. قازاقپارات - باسىمداعى جاعدايدى وزگە جىگىتتەرگە ساباق بولسىن دەپ ايتىپ وتىرمىن. «جىگىتتەر» توبىنىڭ ءانشىسى باعلان ءابدىرايىموۆ قۇمار ويىندارىنا سالىنعانى سونشالىق ەلدى الداپ، اقشاسىن الىپ كازينوعا سالعان.

ءتىپتى، وتباسىن ۇمىتىپ بىرنەشە كۇن ويىنحانالاردا تۇنەپ جۇرەتىن ويىنشىعا اينالىپ، قازىرگە دەيىن قارىزىنان قالاي قۇتىلارىن بىلمەي جۇرگەنى جايلى «تالقىلايىق» جوباسىندا اشىق ايتتى.

«مەن نەگىزى باسىمداعى جاعدايدى وزگە جىگىتتەرگە ساباق بولسىن دەپ ايتىپ وتىرمىن. ستۋدەنت كەزىمنەن ەلۋ تەڭگە سالىپ وينايتىن اۆتوماتتارعا اۋەس بولدىم. كەيىننەن ونى ۇمىتىپ تا كەتكەن ەدىم.

ەل سياقتى جينالىپ الىپ كارتا ويناعاندى جاقسى كورگەن ەمەسپىن. ايتەۋىر كازينودا ويناۋ قايدان پايدا بولعانىن بىلمەدىم، ءبىر كەزدەرى ەسىمدى جيناپ قاراسام قۇمار ويىنحانالارىنىڭ نەگىزگى ويىنشىسىنا اينالىپ كەتكەنىمدى بايقادىم. باسىندا ءوز اقشامدى سالىپ، سونى شىعارىپ العان كەزدە قايتىپ كەتىپ ءجۇردىم. بىردە تانىس اعامنان قارىزعا الىپ 30 مىڭ ا ق ش دوللارىن سالىپ جىبەردىم.

مىنە سول كىسىنىڭ قارىزىن قۇتىلامىن دەپ، كاسىپ اشامىز دەپ جوسپارلاپ، جيناپ وتىرعان اقشانى شەتىنەن الىپ بارىپ سالابەردىم. ول بىتكەننەن كەيىن 75 مىڭ ا ق ش دوللارىن اي سايىنعى وسىممەن الىپ، ونى دا ۇتىلىپ قالدىم.

قازىر موينىمدا 200 مىڭ ا ق ش دوللارىنداي قارىز تۇر. ءتىپتى ونى قالاي قۇتىلاتىنىمدى دا بىلمەيمىن. باسىندا سول ويىنحانالاردان كولىك، قوماقتى قاراجات ۇتىپ الىپ جۇرەتىنمىن. سوڭىنا تامان وسىلاي ادەمى ءبىر «قوراعا» كىردىم. ەشكىم ماعان ەشتەڭە دەگەن جوق. ءوزىم ءبىر كۇنى ويلانىپ، قۇردىمعا كەتىپ باراجاتقانىمدى ءتۇسىندىم. ءسويتتىم دە ويىنحانا باسشىلارىنىڭ بارلىعىنا بىرتىندەپ كىرىپ شىقتىم.

قانشاما قارىزعا كىرگەنىمدى ايتىپ «كەلسەم دە مەنى كىرگىزبەڭدەرشى» دەپ ءتۇسىندىردىم. سول ءۇش اي بولدى ويىنحانا اتاۋلىعا جولامايمىن. ءبىراق وعان دەيىنگى قارىزدارىم ءالى تولەنگەن جوق.

پايىزدىق وسىممەن العان اعاما دا بارىپ، جاعدايدى ءتۇسىندىردىم. تىم قۇرىسا ۋاقىتشا ءوسىمىن توقتاتا تۇرۋىن سۇرادىم. كوپتەگەن دوستارىما جەكسۇرىن بولىپ، ازاماتتىعىما سىن كەلدى. كوپتەگەن ماعان سەنگەن ازاماتتاردىڭ الدىندا جەكسۇرىن بولدىم. كوپشىلىك مەنى ىزدەپ، قارىزىن سۇراپ جىگىتتىگىمە سىن كەلدى» ، - دەپ وكىندى ءانشى ءوز سوزىندە.

ءانشى ويىنعا سالاتىن اقشاسى بىتكەننەن كەيىن سول ويىنحانالارعا بارۋدى ادەتكە اينالدىرىپ، سول ماڭعا قاراي بارابەرەتىن جاعدايعا تۇسكەنىن دە جاسىرمايدى.

«ادام اۋرۋ سياقتى بولادى ەكەنسىڭ. سوندا شاي- تاماعىمدى جەپ كۇندە جۇرەتىنمىن. تۇسىنبەيم نەگە ەكەنىن. سودان كەيىن تۇراقتى ويىنشىلارمەن سويلەسە كەلە كوبىسىنىڭ وتباسىنان ايىرىلىپ، كاسىبىن ءوزى بانكروتقا ۇشىراتقاندارىن ءوز اۋىزدارىنان ەستىدىم» ، - دەيدى ءانشى.


باستى سوزدەر: جاستار ءومىرى ,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
مۇراعات