+7 (701) 759 90 19 Лента
20 °С : استانا
25 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

قىزىلوردا وبلىسىندا قوس ونەردىڭ تىزگىنىن تەڭ ۇستاعان شەبەر تۇرادى - فوتو

9 ناۋرىز 12:30 442
:ءبولىسۋ
قىزىلوردا وبلىسىندا قوس ونەردىڭ تىزگىنىن تەڭ ۇستاعان شەبەر تۇرادى - فوتو

قىزىلوردا. قازاقپارات - سىر ءوڭىرى قاشاننان ونەر يەلەرىنە كەندە بولماعان. قازاقستان سۋرەتشىلەر جانە قولونەرشىلەر وداقتارىنىڭ مۇشەسى ۇلمەكەن ماۋىتوۆا قوس ونەردى تەل ەمگەن ونەرلى جانداردىڭ ءبىرى.

مۇنايشىلار وتباسىنان شىققان ۇلمەكەن توعىز بالانىڭ ءۇشىنشىسى. مۇنايلى ولكە - اتىراۋدا دۇنيەگە كەلگەن ول ونجىلدىقتى بىتىرگەن سوڭ الماتىداعى گوگول اتىنداعى كوركەمسۋرەت ۋچيليشەسىن (1979-1982-جىلدارى) تەاتر-دەكوراتى ماماندىعى بويىنشا بىتىرەدى. ارادا ەكى جىل وتكەندە ءدام-تۇزى جاراسىپ، قايرات ەسىمدى جىگىتكە تۇرمىسقا شىعادى.

سىرعا كەلىن اتانعان ۇلمەكەن جاڭاقورعان اۋدانىندا الشەكەي اتىنداعى ونەر مەكتەبىندە بەينەلەۋ ونەرىنەن ساباق بەرەدى.

«ونەرگە شىن بەت بۇرىپ، شىعارماشىلىقپەن 2000-جىلدان بەرى اينالىسىپ كەلەمىن. ەستەتيكالىق تالعام، جان دۇنيەڭدەگى سۇلۋلىققا دەگەن قۇمارلىق مەنى ءبارىبىر دە قىلقالام ۇستاۋىما ءماجبۇر ەتتى. قانداي ءبىر تۋىندىنى جاساۋ ۇستىندە شىعارماشىلىق ادامى شابىت قۇشاعىندا بولادى. ونەر ادامدارى مۇنى جاقسى تۇسىنەدى. وندايدا سەنەن اسقان باقىتتى جان بولمايدى»، - دەيدى ۇلمەكەن.


قىزىلوردا وبلىسىندا قوس ونەردىڭ تىزگىنىن تەڭ ۇستاعان شەبەر تۇرادى - فوتو

كەسكىندەمە جانرىمەن اينالىساتىن ۇلمەكەننىڭ اۋداندىق مۇراجاي باسشىسى نابيحان شالاپوۆتىڭ دەمەۋشىلىگىمەن بىرنەشە رەت وبلىستىق كورمەسى ءوتتى. 2011-جىلى قازاقستان سۋرەتشىلەر وداعىنا مۇشەلىككە قابىلدانسا، اراعا ءتورت جىل سالىپ قازاقستان قولونەرشىلەر وداعىنا مۇشەلىككە قابىلداندى. ول شىعارمالارىن، ياكي تۋىندىلارىن كەستەمەن تىگىپ، جەرگىلىكتى قويدىڭ جۇنىنەن باسىپ شىعارادى. بىرىككەن ۇلتتار ۇيىمىنىڭ دامۋ باعدارلاماسىنىڭ قولداۋىمەن بىرنەشە مارتە  قىزىلوردا، استانا، جامبىل، الماتى، بىشكەك قالالارىندا جوعارى دارەجەلى شەبەرلەردىڭ شەبەرلىك سىنىپتارىنا قاتىسىپ، تاجىريبە الماسسا، ارال، استانا قالاسىندا شەبەرلىك ساباقتارىن دا وتكىزگەن.


قىزىلوردا وبلىسىندا قوس ونەردىڭ تىزگىنىن تەڭ ۇستاعان شەبەر تۇرادى - فوتو

سۋرەتشىنىڭ ەسىمى مەن ەڭبەكتەرى « قىزىلوردا وبلىسىنىڭ قولونەر جانە قىلقالام شەبەرلەرى» كىتابىنا دا ەنگەن. ۇلتتىق كولوريتتەگى كيىز بۇيىمدارى ارقىلى تالاي كونكۋرستاردا جۇلدەلى ورىندارعا يە بولدى. مۇنان وزگە دە رەسپۋبليكالىق كورمە-جارمەڭكەلەردە ۇزدىك دەپ تانىلىپ كەلەدى. وتكەن جىلى ب ۇ ۇ- نىڭ قازاقستانداعى وفيسى «مۋزا باعىندا»، «جاراتىلىس»، «قورقىت بابا»، «ميراس» دەپ اتالاتىن كەستەلى كارتينالارىمدى ساتىپ الدى.


قىزىلوردا وبلىسىندا قوس ونەردىڭ تىزگىنىن تەڭ ۇستاعان شەبەر تۇرادى - فوتو

«بىلتىرعى جىلدىڭ شىلدە-تامىز ايىندا قىزىلوردا وبلىسىنىڭ شەبەرلەرى جينالىپ، قارماقشىدا قورقىت بابا كەشەنىندە، ەكسپوعا بايلانىستى اشىلعان ەتنواۋىلدا ءبىر اي كورمە جاساپ، قازاقستاننىڭ تۇكپىر-تۇكپىرىنەن جانە شەتەلدىك قوناقتارعا شەبەرلىك سىنىبىن كورسەتتىك. بۇل ناعىز ەستە قالاتىن وقيعا»، - دەيدى قوس ونەردىڭ تىزگىنىن تارتقان ۇلمەكەن.

بۇگىندە جولداسى قايرات ەكەۋى ەكى ۇل، ەكى قىز تاربيەلەپ وتىر. ۇلكەن ۇلى المات اناسىنىڭ جولىن قۋعان سۋرەتشى بولسا، كەنجەلەرى نۇرسامال  قىزىلورداداعى قازانعاپ اتىنداعى مۋزىكالىق كوللەدجىنىڭ قوبىز كلاسىندا وقيدى.

اۆتور: ەلۋباي اۋەزوۆ


باستى سوزدەر: قوعام, مادةنيةت, ايماق,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
مۇراعات