+7 (701) 759 90 19 Лента
8 °С : استانا
17 °С : الماتى
USD 421.58 EUR 496.83
RUB 5.53 CNY 62.20
جاڭالىقتار

شىعىس قازاقستان وبلىسىنىڭ اكىمى شەتەلگە وقۋعا كەتەتىن وقۋشىلاردىڭ كوپتىگى تۋرالى ايتتى

29 قاراشا 17:12 280
:ءبولىسۋ
شىعىس قازاقستان وبلىسىنىڭ اكىمى شەتەلگە وقۋعا كەتەتىن وقۋشىلاردىڭ كوپتىگى تۋرالى ايتتى

استانا. قازاقپارات - شەتەلگە اسىرەسە رەسەيگە كەتىپ جاتقان وقۋشىلاردىڭ كوپتىگى الاڭداتادى. بۇل تۋرالى شىعىس قازاقستان وبلىسىنىڭ اكىمى دانيال احمەتوۆ ايتتى، دەپ حابارلايدى «قازاقپارات» ح ا ا ءتىلشىسى.

«مەنى مازالايتىن ماسەلەلەردىڭ ءبىرى - ءبىزدىڭ بالالاردىڭ رەسەي فەدەراتسياسىنىڭ ۇزدىك دەۋگە كەلمەيتىن وقۋ ورىندارىندا وقۋعا قۇلشىنىس تانىتۋى. البەتتە، ەگەر قازاقستاندىق ستۋدەنتتەر انگليا مەن فرانسيانىڭ جەتەكشى ۋنيۆەرسيتەتتەرىندە ءبىلىم الىپ جاتسا ءبىرسارى. ءبىراق بالالاردىڭ كەتىپ جاتقان وقۋ ورىندارىنىڭ دەڭگەيى نەمەسە ءبىلىم بەرۋ ساپاسى جوعارى بولماسا، ءبىز ول جاستاردىڭ بىزدە قالۋىنا قۇپ كورەر ەدىك»، - دەيدى دانيال احمەتوۆ و ك ق- دا وتكەن باسپا ءسوز ءماسليحاتى بارىسىندا. 

اكىم كەلتىرگەن دەرەكتەرگە سۇيەنسەك، 2016 -جىلى شىعىس قازاقستاننان 1800 بالا ر ف ەلىنە وقۋعا كەتكەن.


شىعىس قازاقستان وبلىسىنىڭ اكىمى شەتەلگە وقۋعا كەتەتىن وقۋشىلاردىڭ كوپتىگى تۋرالى ايتتى

«بيىلعى جىلى تەك ونىڭ جارتىسى، ياعني 900 بالانىڭ كەتكەنىن ايتىپ وتكىم كەلەدى. بىرىنشىدەن، ارينە، ۇ ب ت ادىستەمەسىنىڭ وزگەرگەنى قۋانتارلىق جايت. سونىمەن بىرگە، ءبىز ستۋدەنتتەردى جۇمىسپەن قامتۋ، ولاردىڭ جۇمىسقا ورنالاسۋىنا كەپىلدىك بەرۋ باعىتىنداعى جۇمىسقا دەن قويا باستادىق. 200 گرانت ءبولىپ، سول جاققا كەتپەك بولعان بالالاردى الىپ قالدىق. الداعى ۋاقىتتا وبلىستىق بيۋدجەت كوزىنەن گرانتتاردىڭ مولشەرى ەكى ەسەلەنەر دەگەن ۇمىتتەمىز. وسىلايشا، ۇزدىك وقۋشىلاردى الىپ قالارمىز دەگەن ويدامىن»، - دەيدى اكىم.

ءوڭىر باسشىسى ءسوز سوڭىندا نەلىكتەن بۇل باعىتتا جۇمىس جۇرگىزىلگەنىن شەگەلەي ءتۇستى.

«البەتتە، ەگەر م م ۋ- عا (ماسكەۋ مەملەكەتتىك ۋنيۆەرسيتەتى - اۆت. ) بارا جاتسا ءبىر ءجون. ءبىراق ول كەتىپ بارا جاتقان وقۋ ورىنى ءبىزدىڭ ج و و- دان ارتىق بولماسا، وندا جاس قازاقستاندىق ءوز ەلىندە قالىپ وقىسىن»، - دەيدى دانيال احمەتوۆ.

اۆتور: ايان بەكەن ۇلى


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
مۇراعات