+7 (701) 759 90 19 Лента
8 °С : استانا
17 °С : الماتى
USD 421.58 EUR 496.83
RUB 5.53 CNY 62.20
جاڭالىقتار

تەمەكىنى قالاي تاستاۋعا بولادى؟

26 تامىز 13:17 324
:ءبولىسۋ
تەمەكىنى قالاي تاستاۋعا بولادى؟

استانا. قازاقپارات - ​ بۇگىندە ۇرتىنا تەمەكى قىستىرىپ، بۋداقتاتا جونەلەتىن جاستاردى دا، جاسامىستاردى دا كوپتەپ كەزدەستىرۋگە بولار ارينە. ءبىراق ولاردىڭ كوپشىلىگى سول تەمەكىنى قالاي باستاعانىن، نە ءۇشىن شەگىپ كەتكەنىن وزدەرى بىلمەيدى.

 ايتەۋىر «شەگەمىن دەپ شەكپەدىم عوي»، «العاشىندا بۇعان اڭسارىم اۋماعان- دى»، «وسىلاي شەگىپ كەتەمىن دەپ استە ويلاماپپىن» دەگەن سياقتى ءتۇرلى سەبەپ- سىلتاۋعا تولى، ءتىپتى نەگىزى جوق اڭگىمەلەردى ءسوز ەتىپ، سان الۋان مىسالداردى العا تارتادى. ايتىپ- ايتپاي نە كەرەك، ولار كادىمگى شىلىمقوردىڭ وزىنە اينالىپ، ول بولماسا جۇرە المايتىنداي، سول تەمەكىنى شەكپەسە باسى اۋىراتىنداي، ەڭ اقىرى نەرۆىن ءولتىرىپ، «كاللاسىن» قوزعايتىنداي سوعان قۇنىعىپ تا، ءھام قۇمارتىپ تا تۇرادى. قىسقاسى، تەمەكى ونىڭ سىرلاس دوسىنا، جان جولداسىنا، جاقىن ادامىنا اينالادى. سوندىقتان، شىلىمقوردىڭ تەمەكىنى ءبىرجولا تاستاۋدان باس تارتقاننان گورى، بىرتىندەپ تاستاعانى دۇرىسىراق بولادى. بۇل تاراپتا كىم- كىمگە بولسىن الگى دوسىنان، جولداسىنان، ادامىنان وڭاي ايىرىلىپ، قيماسى انىق قوي. وسى تۇرعىدان كەلگەندە، ءبىز شىلىمقورعا تەمەكىنى بىرتىندەپ تاستاۋدىڭ بىرنەشە ءادىس- تاسىلدەرىن ۇسىنعاندى ءجون كوردىك.

شىلىمقور الدىمەن وزىنە- ءوزى شارت قويۋى ارقىلى تەمەكىنى تاستاۋىنا بولادى. مۇندا ونىڭ ءوزى قويعىسى كەلەتىن نيەتى بولۋعا كەرەك. ءوز كەزەگىندە ول شارتتار الگى نيەتپەنەن تىكەلەي قابىسىپ جاتۋعا ءتيىستى. ەندەشە سول شارتتاردىڭ قاتارىنا مىنالاردى جاتقىزامىز:

1. جۇمىس ۋاقىتىندا، كوشەدە تەمەكى تارتپايمىن؛

2. ۇيىقتار الدىندا قولىما تەمەكى ۇستامايمىن؛

3. ءتۇن ورتاسىندا تۇرىپ تەمەكى تارتپايمىن؛

4. تاڭەرتەڭ اشقارىنعا شىلىم شەكپەيمىن؛

5. اۆتوكولىك جۇرگىزىپ كەلە جاتقاندا تەمەكى تارتپايمىن؛

 6. تەمەكى شەككىم كەلسە دە، ونى ۇمىتىڭقىراۋعا، ول تۋرالى ويلاماۋعا، مۇلدە ىزدەمەۋگە تىرىسامىن.

جوعارىدا ايتقانىمىزداي، تەمەكىنى بىرتىندەۋ تاستاۋ كەرەك. ول ءۇشىن مامانداردىڭ مىنانداي اقىل- كەڭەستەرىنە قۇلاق تۇرگەن ماقۇل.

1. تەمەكىنىڭ ماركاسىن اۋىستىرىپ، ءيىسى مەن ءدامى جەڭىل تۇرىنە كوشۋ قاجەت.

2. ءبىر تال تەمەكىنى قايشىمەن قىرقىپ، ۇشتەن ءبىر بولىگىن عانا تارتىڭىز.

3. اۋىرعان كەزدە ادام اعزاسى تەمەكىنى ىزدەمەيتىندىكتەن، مۇنداي جاعدايدا مۇلدەم تەمەكى تارتپاۋعا تىرىسىڭىز.

4. رامازان ايىندا ورازا ۇستاپ، كۇندىز تەمەكى شەكپەۋگە داعدىلانا وتىرىپ، رامازان بىتكەنگە دەيىن تەمەكىدەن تولىقتاي باس تارتۋعا بولادى.

5. تەمەكىنى قويىپ جۇرگەنىڭىزدە، ونى ىزدەي باستاساڭىز، اۋىزىڭىزعا كامپيت نەمەسە قۇرت سياقتى ءتاتتى، اشىلاردى سالىپ، سونى ەرمەك ەتىڭىز.

6. تەمەكىنى تاستاعان سوڭ، دەنساۋلىعىڭىزدى ارنايى كۇتىمگە الىڭىز: جەمىس- جيدەكتەر مەن كوكىنىستەرى مول تاماقتى دۇرىس پايدالانىڭىز، دەنە ەڭبەگىمەن كوبىرەك اينالىسىڭىز.

 7. تەمەكىنى تاستاعان العاشقى مەزگىلدە تەمەكى تارتپايتىن دوس- جارانمەن كوبىرەك ارالاسۋعا، تەمەكى تارتاتىن تانىستارىڭىزدان بويىڭىزدى اۋلاق ۇستاۋعا تىرىسىڭىز.

د. ساپاربايەۆا 

دەرەككوز: jastar.kz


باستى سوزدەر: جاستار ءومىرى , دةنساؤلئق,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
مۇراعات