+7 (701) 759 90 19 Лента
8 °С : استانا
17 °С : الماتى
USD 421.58 EUR 496.83
RUB 5.53 CNY 62.20
جاڭالىقتار

ولجاس سۇلەيمەنوۆ جاستارعا يادروعا قارسى قوزعالىس ەستافەتاسىن تابىس ەتەدى

1 قاراشا 16:29 289
:ءبولىسۋ
ولجاس سۇلەيمەنوۆ جاستارعا يادروعا قارسى قوزعالىس ەستافەتاسىن تابىس ەتەدى

الماتى. قازاقپارات - الماتىدا، ءال-فارابي اتىنداعى قازاق ۇلتتىق ۋنيۆەرسيتەتىندە سەمەي يادرولىق پوليگونىن جابۋ تۋرالى ەلباسى جارلىعىنىڭ 25 جىلدىعىنا ارنالعان ستۋدەنتتىك فورۋم وتەدى.

فورۋم جۇمىسىنا «نيەۆادا-سەمەي» حالىقارالىق يادروعا قارسى قوزعالىس پرەزيدەنتى ولجاس سۇلەيمەنوۆ، قاز ۇ ۋ رەكتورى عالىمقايىر مۇتانوۆ، يادروعا قارسى قوزعالىس ارداگەرلەرى، الماتى قالاسى ج و و جاستار ىستەرى كوميتەتىنىڭ كوشباسشىلارى، باستاپقى جاستار ۇيىمىنىڭ وكىلدەرى قاتىستى.

«بۇگىندە سىن-قاتەرلەر مەن زاماناۋي قاۋىپتەر اياسىندا «نيەۆادا-سەمەي» حالىقارالىق يادروعا قارسى قوزعالىستىڭ ءرولى مەن مەملەكەت باسشىسى جارلىعىنىڭ تاريحي ءمانىنىڭ وزەكتىلىگى ارتا تۇسۋدە.

حالىقارالىق فورۋمداردا سويلەگەن سوزدەرىندە نۇرسۇلتان نازاربايەۆ جاپپاي قارۋسىزدانۋ، سىناق جۇرگىزۋگە تىيىم سالۋ، يادرولىق قارۋدى تاراتپاۋعا قاتىستى ءبىرقاتار جاھاندىق باستامالار قوزعادى. بۇل - «اتوم»، «جاسىل كوپىر»، جاھاندىق ەنەرگيا-ەكولوگيالىق ستراتەگيا، « ХХI عاسىر: سوعىسسىز الەم» جوبالارى»، - دەپ اتاپ ءوتتى گ. مۇتانوۆ.

بۇدان باسقا، فورۋمدا ءال-فارابي اتىنداعى قاز ۇ ۋ- دە «نيەۆادا-سەمەي» قوزعالىسىنىڭ باستاپقى جاستار ۇيىمىنىڭ رەسمي تانىستىرىلىمى ءوتتى. ءوز كەزەگىندە، ولجاس سۇلەيمەنوۆ جاستارعا سىناقتىڭ جانتۇرشىگەرلىك زارداپتارى مەن پوليگوندى جابۋ ءمانى جايىندا تاعى ءبىر ايتىپ ءوتتى. «1991-جىلى 29- تامىزدا سەمەي يادرولىق پوليگونىن جابۋ تاۋەلسىزدىكتىڭ العاشقى اكتىسى بولدى.

ەكى اپتادا ءبىز پوليگوندى جابۋ تالابىمەن جۇگىنگەن 2 ميلليوننان استام قازاقستاندىقتىڭ قولىن جينادىق. 1989-جىلعى ناۋرىزدا بۇكىل قازاقستان قول قويۋعا قاتىستى. مۇنداي وقيعا قازاقستان تاريحىندا بولىپ كورمەگەن. 2 ميلليون ازامات ءبىر ۋاقىتتا پوليگونعا نارازىلىق ءبىلدىردى. كۇرەس ءالى دە جالعاسۋدا. ەندى ءبىز، ارداگەرلەر 40 جىل سىناققا توزگەن ەلمەن بىرگە ەستافەتانى جاستارعا تابىستايمىز. ءبىز ءبارىمىز بىرلەسە وتىرىپ سىناقتى جۇمىلىپ توقتاتتىق»، - دەپ اتاپ ءوتتى ول.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
مۇراعات