+7 (701) 759 90 19 Лента
8 °С : استانا
17 °С : الماتى
USD 421.58 EUR 496.83
RUB 5.53 CNY 62.20
جاڭالىقتار

ۇلى بريتانيانىڭ تانىمال جوعارى وقۋ ورىندارىندا وقىپ جۇرگەن قازاق جاستارى مۇقاعاليدىڭ 85 جىلدىعىن اتاپ ءوتتى

24 ماۋسىم 11:06 332
:ءبولىسۋ
ۇلى بريتانيانىڭ تانىمال جوعارى وقۋ ورىندارىندا وقىپ جۇرگەن قازاق جاستارى مۇقاعاليدىڭ 85 جىلدىعىن اتاپ ءوتتى

استانا. قازاقپارات - ۇلى بريتانيانىڭ تانىمال جوعارى وقۋ ورىندارىندا وقىپ جۇرگەن قازاق جاستارى مۇقاعالي ماقاتايەۆتىڭ 85 جىلدىعىنا وراي ادەبي-مۋزىكالىق كەش وتكىزدى.

بۇل شارا كوۆەنتري قالاسىنىڭ Warwick ۋنيۆەرسيتەتىندە، «قازاليانس» قوعامدىق بىرلەستىگىنىڭ ۇيىمداستىرۋىمەن جۇزەگە استى.

ۇيىمداستىرۋشىلاردىڭ ءبىرى Warwick ۋنيۆەرسيتەتىنىڭ ماگيسترانتى ەركەناز ارينوۆا وسى كەشكە ءبىرقاتار وقۋ ورنىندا وقىپ جۇرگەن جاستاردىڭ قاتىسۋىنا باستاماشى بولدى.

مۇقاعاليدىڭ ءومىر جولى، شىعارماشىلىعى جانە اقىننىڭ وتباسى تۋرالى Surrey ۋنيۆەرسيتەتىنىڭ ماگيسترانتى جاسۇلان كۋشەبايەۆ ايتىپ بەردى.

تابىل دوسىموۆتىڭ «ۇناتامىن مەن سەنى» ءانىن مانچەستەر ۋنيۆەرسيتەتىنىڭ ماگيسترانتى نۇرىم نويانبايەۆ ورىندادى. Warwick ۋنيۆەرسيتەتىنەن ابىلاي قۇدايبەرگەنوۆ دومبىرا تارتىپ، قازاق كۇيىن شەتەلدە شارىقتاتتى.

سونداي-اق، Reading ۋنيۆەرسيتەتىنىڭ ماگيسترانتى اسەم ساعىنبايەۆا، مانچەستەر ۋنيۆەرسيتەتىنىڭ ماگيسترانتى ماحاببات تاتتىبايەۆا، Aberdeen ۋنيۆەرسيتەتىنىڭ ماگيسترانتى ءادىل ۇزاق، لوندونداعى Queen Mary ۋنيۆەرسيتەتىنىڭ ماگيسترانتى ءادىل بەرگەنوۆ، Warwick ۋنيۆەرسيتەتىنەن دامينا ءسابي، ءداميرا دۇيسەكەنوۆا اقىننىڭ ءبىرقاتار ولەڭدەرىن وقىپ بەردى. ال مانچەستەر ۋنيۆەرسيتەتىنەن ايبوبەك سەيتاق «مۇقاعالي رۋحىمەن سىرلاسۋ» اتتى اقىنعا ارنالعان ولەڭدى وقىدى.

قازاق جاستارى مۇقاعاليدىڭ سوزىنە جازىلعان وزگە دە اندەردى حورمەن ورىندادى.

وسى كەشكە وزگە ەلدە وقىپ جاتقان بىرنەشە شەتەلدىك ماگيسترانتتار دا قاتىسىپ، قازاقتىڭ ونەرىمەن تانىستى جانە مۇقاعالي تۋرالى ماعلۇمات الدى.


ۇلى بريتانيانىڭ تانىمال جوعارى وقۋ ورىندارىندا وقىپ جۇرگەن قازاق جاستارى مۇقاعاليدىڭ 85 جىلدىعىن اتاپ ءوتتى


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
مۇراعات