+7 (701) 759 90 19 Лента
-6 °С : استانا
-5 °С : الماتى
USD 375.91 EUR 416.85
RUB 6.10 CNY 54.77
جاڭالىقتار

شەكارادان 800 ليتر الكوگول ونىمدەرىن زاڭسىز وتكىزبەك بولعاندار ۇستالدى

11 شىلدە 09:17 241
:ءبولىسۋ
شەكارادان 800 ليتر الكوگول ونىمدەرىن زاڭسىز وتكىزبەك بولعاندار ۇستالدى

قوستاناي. قازاقپارات - قازاقستانعا 800 ليترگە جۋىق زاڭسىز الكوگول ونىمدەرىن الىپ وتپەك بولعاندار قولعا ءتۇستى، دەپ حابارلايدى قازاقپارات.

وقيعا 8 -شىلدەدە قارابالىق اۋدانىنىڭ «قايراق» اۆتوكولىك وتكىزۋ بەكەتىندە بولعان. وبلىستىق مەملەكەتتىك كىرىستەر دەپارتامەنتىنىڭ قىزمەتكەرلەرى شۇعىل ءىس- شارالار بارىسىندا رەسەيدەن قازاقستانعا الكوگول ونىمدەرىن الىپ وتپەك بولعانداردى ۇستادى.

«قۇرامىندا ءسپيرتى بار شىققان تەگى بەلگىسىز سۇيىقتىق 4 جانە 5 ليترلىك پلاستيكالىق ىدىستارعا قۇيىلعان، رۇقسات قۇجاتتارى (الكوگول ونىمدەرىن ساقتاۋ جانە بولشەك ساۋدالاۋ ليتسەنزياسى، ىلەسپە قۇجاتتارى) جوق. بارلىعى قۇنى 1,5 ميلليون تەڭگە بولاتىن، جالپى كولەمى 792 ليتر 183 ىدىس كونترافاكت الىندى»، - دەلىنگەن ۆەدومستۆونىڭ باسپا ءسوز قىزمەتى تاراتقان حابارلامادا.

كۇدىكتىلەرگە قاتىستى قازاقستان رەسپۋبليكاسىنىڭ «اكىمشىلىك قۇقىق بۇزۋشىلىقتار تۋرالى» كودەكسىنىڭ 463-بابىنىڭ 1-تارماعى بويىنشا اكىمشىلىك ءىس تولتىرىلىپ، سوتقا جىبەرىلدى.


باستى سوزدەر: الةم,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
مۇراعات