+7 (701) 759 90 19 Лента
19 °С : استانا
27 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

جاستار جىلى: ستۋدەنت-ەرىكتىلەردىڭ شاكىرتاقىسىنا 30 پايىز اقشا قوسىلادى

31 قاڭتار 08:23 519
:ءبولىسۋ
جاستار جىلى: ستۋدەنت-ەرىكتىلەردىڭ شاكىرتاقىسىنا 30 پايىز اقشا قوسىلادى

پەتروپاۆل. قازاقپارات - ەلباسى نۇرسۇلتان نازاربايەۆتىڭ تاپسىرماسىنا وراي جاستار جىلى اياسىندا پەتروپاۆلدا ەرىكتىلەر مەكتەبى اشىلماق.

سونداي-اق، ءتۇرلى شارالاردا بەلسەندىلىك تانىتقان ستۋدەنت-جاستاردىڭ ەڭبەكتەرى ەلەنىپ، ولار شاكىرتاقىنى 30 پايىز ۇستەمەمەن الاتىن بولادى، دەپ حابارلايدى قازاقپارات ءتىلشىسى.

سولتۇستىك قازاقستان وبلىسىندا جاستار جىلىنا ارنالعان ءىس-شارالاردىڭ جوسپارى قۇرىلىپ، ستۋدەنتتەرمەن كەزدەسۋ ءوتتى. «جاس وتان» جق مەن وبلىستىق جاستار ساياساتى ماسەلەلەرى جونىندەگى باسقارما ۇيىمداستىرعان شاراعا قالالىق ءماسليحات دەپۋتاتتارى، پەتروپاۆلداعى جاستار ۇيىمدارىنىڭ وكىلدەرى قاتىستى.

«ەلباسى تاپسىرماسى بويىنشا ەرىكتى بولىپ جۇرگەن ستۋدەنتتەردىڭ شاكىرتاقىسىنا 30 پايىز اقشا قوسىلادى. سونداي-اق ءبىز ەرىكتىلەر مەكتەبىن اشامىز. مەكتەپ، جالپى بۇرىننان بار، ءبىراق ەش جەردە تىركەلمەگەن بولاتىن. ەندى ءاربىر ستۋدەنت ەرىكتىنىڭ كۋالىگىن الىپ، سول قۇجات ارقىلى وقۋ ورنىندا ەرىكتى ەكەنىن دالەلدەپ، جوعارى شاكىرتاقى الادى»، - دەيدى «جاس وتان» ج ق س ق و ف جەتەكشىسى ابىلايحان قايروللايەۆ.

ەلباسى تاپسىرماسى بويىنشا جاستار جىلىندا جاستارعا قولداۋ كوبەيەدى. ال، ءوز كاسىبىن اشىپ، بيزنەسپەن اينالىسامىن دەگەندەرگە ەلىمىزدە قاشاندا جول اشىق. وعان كوز جەتكىزگەندەردىڭ ءبىرى - پەتروپاۆل قالاسىنىڭ تۇرعىنى ءسالىمحان ءسابيتوۆ. ءسالىمحان - ش. شاقشاقبايەۆ اتىنداعى قيمىل-تىرەك اپپاراتى زاقىمدانعان بالالارعا ارنالعان ت م د- داعى العاشقى ينكليۋزيۆتى مەكتەپ-ينتەرناتىنىڭ تۇلەگى. ەكىنشى توپ مۇگەدەكتىگى بولعانىنا قاراماستان ول جاقىندا قازاقستان بويىنشا تەڭدەسى جوق اۆتومەكتەپ اشتى.

«مەن مۇگەدەك بالالارعا ارنالعان اۆتومەكتەپ اشقانىما وتە قۋانىشتىمىن، سەبەبى ول تەك ءوز ارمانىم ەمەس، ءوزىم سياقتى باسقا دا بالالاردىڭ ارمانىن جۇزەگە اسىرىپ، ولارعا مۇمكىندىك بەرىپ، ولار دا قوعامعا ءوز ۇلەسىن قوسسىن دەگەن وي. بۇل جوبانىڭ قازاقستان بويىنشا انالوگى جوق، بۇگىنگى كۇندە ەكى اۆتوكولىك بار، 13 ادام وقىعىسى كەلىپ جاتىر، وسى اقپان ايىندا اۆتومەكتەپ اشىلادى»، - دەيدى مۇمكىندىگى شەكتەۋلى جاندارعا ارنالعان «تەڭ جول» اۆتومەكتەبىنىڭ نەگىزىن قالاۋشى كاسىپكەر ءسالىمحان ءسابيتوۆ.

پەتروپاۆلدا اقپان ايىندا وبلىستىق جاستار فورۋمى ءوتىپ، ناۋرىز ايىندا ەرىكتىلەر مەكتەبى اشىلماق.


باستى سوزدەر: قوعام,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
مۇراعات