+7 (701) 759 90 19 Лента
19 °С : استانا
27 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

ارىس قالاسىن 1 ايدا قالپىنا كەلتىرەمىز - بەردىبەك ساپاربايەۆ

3 شىلدە 21:05 396
:ءبولىسۋ
ارىس قالاسىن 1 ايدا قالپىنا كەلتىرەمىز - بەردىبەك ساپاربايەۆ

نۇر- سۇلتان. قازاقپارات - ارىس قالاسىن 1-ايدا قالپىنا كەلتىرەمىز. بۇل تۋرالى بۇگىن ق ر ەڭبەك جانە حالىقتى الەۋمەتتىك قورعاۋ ءمينيسترى بەردىبەك ساپاربايەۆ ءمالىم ەتتى، دەپ حابارلايدى قازاقپارات ءتىلشىسى.

«ءيا، شىنىمەن اۋىر جاعداي ورىن الدى. ويتكەنى، ارىس قالاسىندا 7,2 مىڭ تۇرعىن ءۇي مەن وزگە دە نىساندار بار. 85 پايىزعا جۋىعى زاقىمدانعان، اسىرەسە تەرەزەلەرى، شاتىرلارى مەن ەسىكتەرى. ءوزىم شىمكەنتتەگى ەۆاكۋاتسيالىق پۋنكتتە بولدىم. ول جەردە تاماققا، ءدارى- دارمەك پەن تۇرعىلىقتى جەرگە قاتىستى ەشقانداي شاعىم بولعان ەمەس"، - دەدى مينيستر ورتالىق كوممۋنيكاتسيالار قىزمەتىندەگى بريفينگتە.

 سونىمەن قاتار ول اكىمدەرمەن وتكەن كەزدەسۋلەر جايىندا دا ايتتى.

 "وزدەرىڭىز دە بىلەسىزدەر، اكىممەن بىرگە كەزدەسۋگە باردىق. ولار شىمكەنتتەن باسپانا، جەر تەلىمدەرىن سۇراپ، سول جەردە قالعىلارى كەلەتىنىن ايتتى. ءبىز تۇسىندىردىك، ودان كەيىن ولار تارقادى. مينيسترلەر الەۋمەتتىك نىسانداردى، مەكتەپتەر مەن بالاباقشالاردى، اۋرۋحانالاردى ارالاپ كوردى. قازىرگى ۋاقىتتا قالانىڭ 17 سەكتورعا ءبولىنىپ، وندا 17 ءوڭىر جۇمىس ىستەپ جاتقانىن بىلەسىزدەر. پرەزيدەنت ءبىر ايدىڭ ىشىندە بارلىق تۇرعىن ۇيلەردى قالپىنا كەلتىرۋدى تاپسىردى. شامامەن 100 تۇرعىن ءۇي قالپىنا كەلتىرىلدى، 90 پايىزى قونىستاندى. تۇرۋ مۇمكىن ەمەس ۇيلەردىڭ تۇرعىندارى مەكتەپتەرگە ورنالاستىرىلعان. ول جەرلەرگە دە باردىم. تاماق تانۋعا، تۇرۋعا جەر بار. مەنىڭشە، ءبىر ايدىڭ ىشىندە ارىستا ءبارى قالپىنا كەلەدى"، - دەدى بەردىبەك ساپاربايەۆ.

ارىس قالاسىن 1 ايدا قالپىنا كەلتىرەمىز - بەردىبەك ساپاربايەۆ


:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
مۇراعات