+7 (701) 759 90 19 Лента
19 °С : استانا
27 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

ارىس تۇرعىندارىنىڭ 100 پايىزى وتەماقىعا قۇجات تاپسىرادى

9 شىلدە 22:32 228
:ءبولىسۋ
ارىس تۇرعىندارىنىڭ 100 پايىزى وتەماقىعا قۇجات تاپسىرادى

ارىس. قازاقپارات - بۇگىن ارىس قالاسىن قالپىنا كەلتىرۋ جۇمىستارى بويىنشا وبلىس اكىمى ءومىرزاق شوكەيەۆتىڭ توراعالىعىمەن جيىن ءوتتى.

بۇل تۋرالى قازاقپارات اكىمدىكتىڭ باسپا ءسوز قىزمەتىنە سىلتەمە جاساپ حابارلايدى.

ماجىلىستە ق ر يندۋستريا جانە ينفراقۇرىلىمدىق دامۋ مينيسترلىگىنىڭ ءبىرىنشى ۆيتسە-ءمينيسترى قايىربەك وسكەنبايەۆتىڭ ايتۋىنشا، بارلىق سەكتوردا قۇرىلىس قارقىندى ءجۇرىپ جاتىر. اراسىندا جوسپاردان كەشىككەندەرىنە، جۇمىس كۇشى جەتپەي جاتقان وبلىستارعا ءتيىستى ەسكەرتۋلەر بەرىلىپ، جۇمىس تولىق باقىلاۋعا الىنعان.

وسى دەرەكتەرگە توقتالعان ۆيتسە-مينيستر قۇرىلىس اۋماعىنا مەردىگەرلەر مەن جۇمىسشىلاردى كوبەيتۋ كەرەكتىگىن دە اتاپ ءوتتى.

قالا جانە قالا ماڭىنان 20 شاقىرىم اۋماقتا اسكەريلەر تەكسەرۋ، تازالاۋ جۇمىستارىن جالعاستىرۋدا. ارنايى تىكۇشاقپەن دە مونيتورينگ جاساپ جۇرگەن اسكەريلەر وق-ءدارى تازالانعانىن، جارىلىس ءقاۋپى جوق ەكەنىنە كوز جەتكىزگەن. بۇل تۋرالى ق ر قورعانىس مينيسترىلىگىڭ وكىلى رۋسلان شپەكبايەۆ مالىمدەدى. 42 توپتان قۇرالعان ساپەرلار كۇشەيتىلگەن رەجيمدە جۇمىس ىستەۋدە. تۇرعىنداردىڭ شاقىرتۋلارىنا دا جەدەل جەتەتىن كەزەكشىلەر ۇيىمداستىرىلعان.

تۇركىستان وبلىستىق پوليتسيا دەپارتامەنتى باستىعىنىڭ ورىنباسارى ءابدىعاني سەيدۋاليەۆتىڭ ايتۋىنشا، قالا قاۋىپسىزدىگى مەن تىنىشتىعىن 300 دەن استام پوليتسەي كۇزەتۋدە. 17 سەكتوردىڭ بارىندە ءتارتىپ ساقشىلارى كەزەكشىلىك جاساۋدا.

تۇركىستان وبلىستىق قۇرىلىس باسقارماسى باسشىسىنىڭ ورىنباسارى ەربول احمەتوۆ قالادا قۇرىلىس جانە جوندەۋ جۇمىستارى باستالىپ كەتكەنىن مالىمدەدى. ال وبلىستىق قارجى باسقارماسىنىڭ باسشىسى ارمان تاسىبايەۆ 100 مىڭ تەڭگە وتەماقىعا قۇجات تاپسىرعاندار سانى 99 پايىزدان اسقانىن جەتكىزدى. تاياۋدا 100 پايىزعا جەتەدى. سەبەبى بۇل باعىتتا جۇمىس ويداعىداي ءجۇرىپ جاتىر. قۇجاتتار تەكسەرىلگەن سوڭ تامىز ايىنىڭ باسىندا تۇرعىندارعا وتەماقى بەرىلە باستايدى.

تۇركىستان وبلىستىق ەمحاناسىنىڭ باس دارىگەرى مارات پاشيموۆ جارىلىس سالدارىنان زارداپ شەككەن 65 ناۋقاس جازىلىپ، اۋرۋحانادان شىققانىن ايتسا، وبلىس اكىمىنىڭ كەڭەسشىسى ۇلاسبەك سادىبەكوۆ بارلىق سەكتورلاردا تۇرعىنداردىڭ تالاپ- تىلەگى تىڭدالىپ، 800 گە جۋىق جەرگىلىكتى بەلسەندى، ەل اعالارى مەن ۇكىمەتتىك ەمەس ۇيىم مۇشەلەرى گۋمانيتارلىق جانە وزگە دە كومەكتەردى ۇيىمداستىرۋ شارالارىنا تارتىلعانىن مالىمدەدى. تۇرعىندار ءۇشىن جارمەڭكەلەر دا جالعاسىن تاپپاق.

ءاربىر جاۋاپتى باسشىنى جەكە- جەكە تىڭداعان وبلىس اكىمى ءومىرزاق شوكەيەۆ جۇمىسقا اسقان جاۋاپكەرشىلىكپەن قاراۋ كەرەكتىگىن ەسكەرتتى. قالانى ءتيىمدى باسقارۋ جانە تۇرعىندارعا قولايلى جاعداي جاساۋ ءۇشىن 17 سەكتوردى بولاشاقتا دا قالدىرۋ كەرەكتىگىن ايتتى.

سونىمەن بىرگە قۇرىلىستى كەشەۋىلدەتىپ جاتقان سەكتورلاردا جۇمىستى شيراتۋدى تاپسىردى.


باستى سوزدەر: قوعام,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
مۇراعات